Persónuverndarstefna Quickstart ehf., kt. 5708230190, með lögheimili að Borgartúni 27, 105 Reykjavík, hér eftir nefndur „Quickstart” eða „við”.
Quickstart leggur ríka áherslu á að vernda persónuupplýsingar einstaklinga og virða réttindi þeirra. Í stefnu þessari eru veittar upplýsingar um það hvernig Quickstart vinnur með persónuupplýsingar, í hvaða tilgangi, hversu lengi þær eru varðveittar, miðlun þeirra og hvernig öryggi þeirra er gætt í starfsemi Quickstart. Öll vinnsla persónuupplýsinga fer fram í samræmi við gildandi persónuverndarlög á hverjum tíma.
Þjónusta okkar er ekki ætluð börnum undir 18 ára aldri. Við vinnum ekki með persónuupplýsingar barna undir 18 ára aldri. Hafir þú ekki náð 18 ára aldri, vinsamlega notaðu þá ekki vefsíðu okkar án leyfis og eftirlits forráðamanns þíns.
Í þessari persónuverndarstefnu Quickstart útskýrum við:
Ef eitthvað er óljóst getur þú hvenær sem er haft samband við okkur með því að senda tölvupóst á dpo@quickstart.is
Söfnun og vinnsla persónuupplýsinga er forsenda þess að Quickstart geti veitt sína þjónustu. Upplýsingar sem Quickstart vinnur flokkast jafnan sem almennar persónuupplýsingar, einu viðkvæmu persónuupplýsingarnar sem Quickstart safnar um notendur sína, skv. persónuverndarlögum, eru upplýsingar um stéttarfélagsaðild notanda þegar það á við.
Þegar notandi skráir sig í þjónustu Quickstart afhendir hann Quickstart með beinum hætti persónuupplýsingar sem sanna deili á honum, s.s. Nafn, kennitölu, netfang og símanúmer. Samkvæmt persónuverndarlögum telst Quickstart ábyrgðaraðili þessara upplýsinga.
Notandi lætur af hendi þær upplýsingar sem þörf er á svo Quickstart sé unnt að veita þá þjónustu sem viðskiptasambandið nær til. Upplýsingarnar eru t.d. nafn, kennitala, heimilisfang, netfang og vinnustaður. Þeir notendur sem kjósa að nýta sér meðal annars forsniðna ráðningarsamninga Quickstart veita að auki m.a. upplýsingar um laun, lífeyrissjóðsaðild, stéttarfélagsaðild, persónuafslátt og vinnuhlutfall. Velji notandi að nýta sér kreditkortaþjónustu Quickstart veitir hann sérstaka heimild fyrir því að hægt sé að safna upplýsingum um kreditkorta notkun sína og félagsins sem viðkomandi starfar hjá. Samkvæmt persónuverndarlögum telst Quickstart vinnsluaðili þessara upplýsinga.
Notandi lætur jafnframt af hendi persónuupplýsingar með óbeinum hætti, t.d. um IP-tölu, hvernig hann auðkennir sig og hvenær hann heimsækir vefsíður Quickstart þar sem vefkökur eru notaðar og aðgerðaskráning fer fram. Nánari upplýsingar um vefkökur má lesa á vefsíðu Quickstart. Upplýsingarnar eru varðveittar í þágu rekjanleika og öryggismála.
Quickstart tekur eingöngu við persónuupplýsingum frá þriðja aðila, m.a. fyrirtækjum eða stofnunum sem búa yfir persónuupplýsingum um einstakling, þegar fyrrnefndir aðilar hafa heimild til að afhenda Quickstart upplýsingarnar. Dæmi um aðila sem afhenda Quickstart upplýsingar um einstaklinga eru Þjóðskrá Íslands og ríkisskattstjóri.
Quickstart áskilur sér rétt að vinna með tölfræðilegar upplýsingar sem safnast saman vegna notkunar á þjónustunni, til áframhaldandi vöruþróunar og/eða til þess að bæta virkni þjónustunnar.
Quickstart notar upplýsingarnar sem safnað er til að veita notendum þjónustu sína, einkum til að gera notendum kleift að stofna aðgang að Quickstart og nota Quickstart með réttum hætti m.a. til að vinna með og fylla sjálfkrafa út í forsniðna samninga sem boðið er upp á í Quickstart. Einnig til þess að greina og bæta kortaveltu innskráðra fyrirtækja.
Quickstart notar upplýsingar sem safnað er með vafrakökum til að bæta viðmót og almenn gæði þjónustu sinnar. Í þessum tilgangi notar Quickstart ýmsa þjónustu þriðju aðila, svo sem Google Analytics og FullStory.
Frekari upplýsingar um þjónustu Quickstart er að finna í viðskiptaskilmálum Quickstart.
Gögn eru geymd eins lengi og nauðsynlegt er miðað við tilgang vinnslu, nema þegar lög og reglur kveða á um lengri geymslutíma.
Ákveðir þú t.d. að eyða aðgangi þínum í kerfi Quickstart munum við geyma persónuupplýsingar þínar í 90 daga til viðbótar vegna þess möguleika að þú ákveðir að endurstofna aðganginn, en að þeim tíma liðnum eyðum við persónuupplýsingum þínum.
Quickstart leggur mikla áherslu á vernd persónuupplýsinga og mun aldrei selja þriðja aðila persónuupplýsingar þínar. Við miðlum persónuupplýsingum aðeins til þriðja aðila í þeim tilgangi að veita þjónustuna sem Quickstart byggir á.
Að því marki sem nauðsynlegt er til að framfylgja samningsskyldum okkar við þig, hafa starfsmenn Quickstart aðgang að persónuupplýsingum. Auk þess hafa þjónustuaðilar Quickstart, sem vinna persónuupplýsingar í okkar þágu, aðgang að persónuupplýsingum. Það eru einkum fyrirtæki sem veita upplýsingatækniþjónustu, ríkisskattstjóri og viðskiptabankar. Auk þess ber Quickstart skylda til að veita opinberum aðilum aðgang að persónuupplýsingum á grundvelli lagaskyldu, s.s. skattayfirvöldum, eftirlitsaðilum, lögregluyfirvöldum, skiptastjórum og dómstólum.
Quickstart leggur ríka áherslu á öryggi við vinnslu persónuupplýsinga. Quickstart stuðlar að virkri öryggisvitund starfsmanna, þjónustu- og samstarfsaðila og viðskiptavina. Þagnarskylda hvílir á öllum starfsmönnum Quickstart sem undirritað hafa trúnaðaryfirlýsingu þess efnis.
Ráðstafanir Quickstart til að tryggja öryggi eru fólgnar í:
Komi upp öryggisbrestur við meðferð persónuupplýsinga þar sem staðfest er eða grunur leikur á um að persónuupplýsingar hafi komist í hendur óviðkomandi aðila er Persónuvernd og eftir atvikum einstaklingum tilkynnt um öryggisbrest nema hann hafi ekki í för með sér mikla áhættu fyrir einstaklinga.
Við kunnum að veita samstarfsaðilum okkar aðgang að persónuupplýsingum þínum og öðrum upplýsingum um þig í þeim tilgangi að auka gæði og skilvirkni í tengslum við okkar þjónustu. Við deilum upplýsingum um notkun þína á kerfi Quickstart með þriðju aðilum sem veita okkur þjónustu í tengslum við kynningar- og markaðsþjónustu.
Ef við flytjum persónuupplýsingar þínar til þriðju aðila gerum við það ávallt á grundvelli fullnægjandi samnings við viðkomandi aðila til að geta haft eftirlit með meðhöndlun þeirra á persónuupplýsingum þínum.
Við notum eftirfarandi þjónustu þriðju aðila:
Einstaklingur á rétt á að fara fram á að fá aðgang að persónuupplýsingum sínum og við ákveðnar aðstæður að láta leiðrétta þær, eyða þeim eða takmarka vinnslu þeirra. Einnig á hann rétt á að andmæla vinnslu og fara fram á að gögn hans séu flutt. Þá hefur einstaklingur rétt á að leggja fram kvörtun til Persónuverndar.
Þú hefur eftirfarandi réttindi í tengslum við vinnslu persónuupplýsinga þinna:
Rétturinn til aðgangs merkir að þú getur hvenær sem er beðið okkur um að staðfesta hvort unnið sé með persónuupplýsingar þínar. Ef svo er áttu rétt til aðgangs að öllum upplýsingum það að lútandi og að upplýsingum um í hvaða tilgangi, að hvaða marki og hverjum þær eru gerðar aðgengilegar, hve lengi við munum vinna með þær, hvort þú átt rétt á að þær verði lagfærðar, þeim eytt, vinnsla þeirra verði takmörkuð eða andmæla vinnslunni, þá áttu jafnframt rétt á að vita hvar við fengum persónuupplýsingarnar
Rétturinn til lagfæringar merkir að þú getur hvenær sem er beðið okkur að lagfæra eða bæta við persónuupplýsingar þínar, séu þær rangar eða ófullgerðar.
Rétturinn til að eyða gögnum merkir að við verðum að eyða persónuupplýsingum þínum ef
Rétturinn til að takmarka vinnslu merkir að þar til niðurstaða fæst um álitamál í tengslum við vinnslu persónuupplýsinga þinna verðum við að takmarka vinnslu þeirra.
Rétturinn til að andmæla merkir að þér er heimilt að andmæla vinnslu persónuupplýsinga þinna sem við vinnum með í tilgangi sem lögmætir hagsmunir okkar standa til, einkum til beinnar markaðssetningar. Ef þú andmælir vinnslu til beinnar markaðssetningar verður ekki lengur unnið með persónuupplýsingar þínar í þeim tilgangi.
Þú getur nýtt þér öll réttindi þín með því að hafa samband við okkur á netfangið dpo@quickstart.is , sbr. gr. 8 í þessum skilmálum.
Quickstart ehf., kt. 5708230190, með lögheimili að Borgartúni 27, 105 Reykjavík er ábyrgðaraðili eða vinnsluaðili, eftir atvikum, persónuupplýsinga notenda samkvæmt lögum um persónuvernd.
Persónuverndarfulltrúi Quickstart hefur eftirlit með því að farið sé að gildandi lögum og reglum um persónuvernd í starfsemi Quickstart. Fyrirspurnum, athugasemdum og ábendingum sem varða persónuupplýsingar og persónuvernd er unnt að beina á netfangið dpo@quickstart.is eða með því að senda bréfpóst til:
Persónuverndarfulltrúi Quickstart
Borgartúni 27
105 Reykjavík
Ísland
Komi upp ágreiningur um meðferð persónuupplýsinga er unnt að senda kvörtun til Persónuverndar með því að senda tölvupóst á netfangið: postur@personuvernd.is eða með því að senda bréfpóst til:
Persónuvernd
Rauðarárstígur 10
105 Reykjavík
Ísland
Quickstart er heimilt að breyta þessari persónuverndarstefnu og bæta við hana hvenær sem er og taka slíkar breytingar gildi án fyrirvara. Slíkar breytingar kunna t.d. að vera gerðar til að samræma persónuverndarstefnuna við gildandi lög og reglur er varða persónuvernd hverju sinni. Breytingar á stefnunni öðlast gildi við birtingu uppfærðrar stefnu á vefsíðu Quickstart, quickstart.is.