Þessir skilmálar eru bindandi samningur milli notanda („Notandi”, „þú”) og Quickstart ehf., kt. 5708230190, með lögheimili að Borgartúni 27, 105 Reykjavík, (hér eftir nefndur „Quickstart”, „þjónustan” eða „við”) og taka á notkun þinni á þjónustum Quickstart, meðal annars vefsíðum, hugbúnaði og öðrum vörum og þjónustum (sameiginlega kallað “Þjónustan”). Með því að nota þjónustu okkar samþykkir þú að vera bundin af þessum viðskiptaskilmálum, gagnavinnslusamningi og persónuverndarstefnu Quickstart.
Quickstart heldur utan um allt sem viðkemur umsýslu notenda sinna á einum og sama stað. Notendum Quickstart gefst kostur á X leiðum til að nýta sér þjónustu fyrirtækisins.
Þjónustuleiðirnar eru eftirfarandi:
Til að notendur Quickstart geti nýtt sér þjónustuna eru þeir beðnir um að gefa upp netfang, símanúmer, kennitölu notanda sem er einstaklingur og lögaðili. Til þess að sannreyna þessar upplýsingar eru notendur beðnir um að skrá sig inn með rafrænum skilríkjum. Þessar upplýsingar eru allar liður í því að Quickstart geti þjónustað notendur sína og unnt sé að framkvæma aðgerðir sem skilyrtar eru við hlutverk prókúruhafa.
Til að auka þjónustu við viðskiptavini sína og gera notendum kleift að hafa betri yfirsýn yfir reksturinn safnar Quickstart meðal annars upplýsingum úr ráðningarsamningum, hluthafasamkomulagi, kaupréttarsamningum, hlutaskrá og kreditkortafærslum.
Með því að nota þjónustuna, samþykkir þú að hlíta þessum skilmálum. Orðin „þú“ og „notandi“ í öllum beygingarmyndum sem fram koma í þessum skilmálum vísa til notanda. Þeir aðilar sem hyggjast nýta sér þjónustu Quickstart verða að lesa þessa skilmála og samþykkja. Til notkunar telst m.a. skoðun, upplýsingaöflun og/eða nýting þeirrar þjónustu sem í boði er á vefsvæði Quickstart eins og vefurinn kemur notendum fyrir sjónir á hverjum tíma. Öll notkun vefsins takmarkast við þær aðgerðir sem eðlilegar og löglegar geta talist, ásamt þeim upplýsingum og þjónustu sem boðið er upp á á hverjum tíma. Áður en þú lest áfram ættir þú að prenta út og vista eintak af skilmálum þessum.
Við skráningu er gerð krafa um að ákveðnar persónuupplýsingar notenda séu gefnar upp, s.s. nafn, kennitala, heimilisfang og netfang sem og upplýsingar um þau fyrirtæki sem notendur starfa hjá eða hafa prókúru fyrir. Auk þessa geta notendur gefið með sérstöku umboði upplýsingar um fyrirtækjakort og færslur þeirra.
Quickstart starfar að öllu leyti í samræmi við íslensk lög um persónuvernd og vinnslu persónuupplýsinga nr. 90/2018. Quickstart hefur tilkynnt Persónuvernd um starfsemi sína í samræmi við ákvæði tilvitnaðra laga.
Stefna Quickstart er að vinna með eins takmarkað magn af persónugreinanlegum upplýsingum og mögulegt er til að veita þjónustuna. Quickstart leggur mikla áherslu á vernd persónuupplýsinga og mun ekki undir nokkrum kringumstæðum afhenda, selja eða leigja persónuupplýsingar notenda til þriðja aðila. Quickstart miðlar persónuupplýsingum aðeins til þriðja aðila í þeim tilgangi að veita þjónustuna sem Quickstart byggir á eða ef Quickstart ber að gera það samkvæmt lögum og/eða ef Quickstart er keypt eða sameinast öðru fyrirtæki. Skoða nánar persónuverndarstefnu Quickstart.
Notendur eru ábyrgir fyrir því að tryggja leynd lykilorða sinna sem gerir þeim mögulegt, ásamt notandanafni þeirra, að innskrá sig í Quickstart. Með því að láta Quickstart í té netfang sitt samþykkja notendur að Quickstart megi, þegar nauðsyn krefur, senda notendum tilkynningar á netfang þeirra í tengslum við aðgang þeirra að þjónustunni.
Notandanafn, lykilorð, rafræn skilríki og aðrar samskiptaupplýsingar sem notendur kunna að láta Quickstart í té teljast til „aðgangsupplýsinga“ notenda. Réttur notenda til að fá aðgang að og nota þjónustuna er bundinn við þá og þeim er ekki heimilt að flytja þann rétt til annars einstaklings eða lögaðila. Notendum er einungis heimilt að fá aðgang að og nota þjónustuna í löglegum tilgangi.
Notendum er með öllu óheimilt að veita öðrum aðilum aðgangsupplýsingar sínar. Ef notandi verður á einhvern hátt var við að óviðkomandi aðili hafi komist yfir aðgangsupplýsingar sínar, samþykkja þeir að gera Quickstart strax viðvart með því að senda tölvupóst á hjalp@quickstart.is.
Aðgangur notenda að Quickstart gæti rofnað af ýmsum ástæðum, t.d vélbúnaðarbilun, tæknilegum bilunum, hugbúnaðarvillum eða uppfærslu á kerfi. Quickstart ber ekki ábyrgð á tjóni sem slíkt kann að valda, sbr. 12. gr.
Aðgengi að tilbúnum sniðmátum samninga getur verið mismunandi eftir þjónustuleiðum.
Quickstart hefur milligöngu við útgáfu samninga en ber ekki ábyrgð á efni samninga eða innihaldi þeirra. Komi upp ágreiningur milli notanda, sem er útgefandi samnings, og móttakanda ber þeim aðilum að leysa úr slíkum ágreiningi sín á milli án aðkomu Quickstart.
Quickstart geymir persónuupplýsingar í 90 daga eftir lokun aðgangs sbr. 3. gr. í persónuverndarstefnu Quickstart. Samkvæmt reglugerð um rafræna reikninga og bókhaldslög skal geyma gögn þess efnis í sjö ár frá útgáfu þeirra og er það á ábyrgð notanda. Við lok samnings getur notandi óskað eftir að fá gögn sín á tölvutæku formi gegn greiðslu samkvæmt verðskrá Quickstart hverju sinni.
Þóknun Quickstart er í samræmi við gildandi verðskrá hverju sinni og ábyrgist Quickstart að rétt gjaldskrá er alltaf aðgengileg á vef Quickstart. Enginn ógegnsæ gjöld eru falin í áskrift að Quickstart. Á mánaðarfresti sendir Quickstart út reikninga eða skuldfærir af korti fyrir notkun undangengin mánuð, sem dæmi eru reikningar sendir út 13. júlí fyrir notkun sem hefur varað í mánuð þar á undan. Krafa Quickstart fellur á eindaga sjö dögum eftir útgáfu hennar. Notandi borgar ekki fyrir þjónustuna nema hann nýti sér hana með einhverjum hætti.
Quickstart sendir notendum tilkynningar um það þegar reikningur hefur verið stofnaður, þegar greiðslukort hefur verið skuldfært, þegar reikningur fellur á eindaga, þegar reikningur hefur verið felldur niður (vegna t.d. mistaka við reikningagerð). Auk þessa geta komið upp tilvik þar sem Quickstart sendir notendum sínum nauðsynlegar tilkynningar með rafrænum hætti. Tilkynningarnar tengjast þá skráningum og aðgangi notenda, sem dæmi um þetta er þegar aðgangsupplýsingum er breytt eða aðrar valkvæðar tilkynningar í tengslum við notkun á þjónustunni. Af og til kann Quickstart að bæta við nýjum tegundum tilkynninga eða að fjarlægja tilteknar tegundir tilkynninga. Rafrænar tilkynningar frá Quickstart verða sendar á netfangið sem notandi gaf upp í tengslum við aðgang notanda á Quickstart.
Þar sem tilkynningar eru ekki dulkóðaðar munu þær aldrei innihalda lykilorð notanda. Í þeim tilfellum sem notandi gleymir lykilorði sínu getur hann fengið sendan hlekk á uppgefið netfang á slóð sem gerir viðkomandi kleift að búa til nýtt lykilorð.
Tilkynningar geta innihaldið netfang notanda (þegar sendur er tölvupóstur). Allir sem hafa aðgang að tölvupósti notanda munu geta séð innihald tilkynninganna.
Notandi er meðvitaður um að öllum tilkynningum sem sendar eru með notkun þjónustunnar gæti seinkað eða þær ekki borist notanda af ýmsum ástæðum. Quickstart reynir eftir fremsta megni að tryggja að tilkynningar berist fljótt og örugglega en ábyrgist á engan hátt að tilkynningar berist eða að tilkynningar innihaldi ávallt nýjustu og/eða réttar upplýsingar. Notandi samþykkir að Quickstart ber enga skaðabótaskyldu vegna tilkynninga sem berast seint eða ekki, vegna villna í efni tilkynninga eða vegna ákvarðana sem notandi eða þriðji aðili tekur eða tekur ekki vegna tilkynninga sem sendar eru frá Quickstart.
Allt innihald vefsvæðis Quickstart, þar með talið útlitshönnun (t.d. texti, grafík, myndir, vörumerki), ljósmyndir, hugbúnaður, ritstýrt efni, tilkynningar og annað efni er varið samkvæmt höfundarréttar- og vörumerkjalögum á Íslandi og annars staðar. Innihald vefsvæðis Quickstart er eign Quickstart eða notað samkvæmt leyfi frá hugbúnaðar-, gagna- eða öðrum efnisveitum sem Quickstart á í viðskiptasambandi við. Quickstart veitir notendum leyfi til að skoða og nota vefsvæði Quickstart samkvæmt þessum skilmálum. Notendur mega eingöngu sækja eða prenta afrit af upplýsingum og efni á vefsvæði Quickstart til sinna eigin persónulegu nota sem ekki eru í fjárhagslegum tilgangi í samræmi við II. kafla höfundalaga. Öll dreifing, endurútgáfa eða rafræn afritun af innihaldi vefsvæðis Payday, hvort heldur sem er að hluta til eða heild, eða í einhverjum öðrum tilgangi er þér með öllu óheimil nema með skriflegu samþykki Quickstart.
Um brot gegn þessari grein fer skv. ákvæðum 12. gr.
Þegar notandi samþykkir skilmála þessa fellst hann á að hann muni ekki nota nokkurs konar sjálfvirkan hugbúnað, forrit eða aðrar aðferðir til að verða sér út um aðgang að, afrita eða fylgjast með einhverjum hluta af vefsvæði Quickstart nema með skriflegu leyfi Quickstart og/eða ef slík þjónusta hafi verið keypt af Quickstart.
Notandi samþykkir einnig að hann muni ekki nota forrit, hugbúnað eða annars konar aðferðir til að heimsækja, nota eða leita að gögnum á vefsvæði Quickstart nema með almennum vöfrum (t.d. Google Chrome eða Microsoft Edge) og almennum leitarvélum (t.d. Google eða Bing).
Notandi samþykkir að hann muni ekki senda skrár eða gögn á vefsvæði Quickstart sem geti flokkast sem tölvuvírus, tölvuormur eða trójuhestur eða skrár sem innihalda einhvers konar skaðlega eiginleika og/eða geta á einhvern hátt truflað eðlilega virkni og/eða þjónustu Quickstart.
Notandi samþykkir að hann muni ekki reyna á nokkurn hátt að sækja, birta eða greina undirliggjandi forritskóða út frá þeim hugbúnaði sem er notaður af Quickstart. Ef notandi fær aðgang að undirliggjandi forritunarkóða á vegum Quickstart, s.s. vegna bilunar, ber honum að tilkynna slíkt til vefstjóra með því að senda tölvupóst á hjalp@quickstart.is.
Um brot gegn þessari grein fer skv. ákvæðum 12. gr.
Quickstart ber ekki ábyrgð á óþægindum eða tjóni sem orsakast beint eða óbeint vegna bilunar í tölvubúnaði og/eða hugbúnaði fyrirtækisins eða notanda eða af öðrum orsökum, sem kunna að valda því að upplýsingar eru ekki réttar eða að notandi nái ekki að tengjast þjónustunni. Quickstart ber ekki ábyrgð á óþægindum eða tjóni sem kann að orsakast beint eða óbeint vegna galla eða bilunar í endabúnaði, tengingu við veraldarvefinn, þeim hugbúnaði sem nauðsynlegur er til tengingar við vefsvæði Quickstart, vafra eða stýrikerfi notanda eða tölvukerfi Quickstart, eða af öðrum þeim orsökum sem kunna að valda því að aðgerðir á vefsvæði Quickstart geta ekki farið fram eða verða með öðrum hætti en til var ætlast s.s. vegna tæknibilana, villna í gögnum eða truflana í rekstri tölvukerfa. Quickstart ber ekki ábyrgð á tjóni sem hlýst af vanþekkingu, misskilningi eða misnotkun notanda eða annars aðila með eða án umboðs notanda. Quickstart ber ekki ábyrgð á tjóni sem rekja má til rangra aðgerða notanda eða annars aðila. Quickstart ber ekki ábyrgð á tjóni sem rekja má til utanaðkomandi atvika t.d. bilana, rangra utanaðkomandi upplýsinga o.þ.h. Enn fremur ef rekja má tjónið til atvika sem stafa af náttúruhamförum, styrjöldum, verkföllum eða vegna atriða sem talin verða falla undir óviðráðanleg tilvik (force majeure).
Quickstart áskilur sér rétt til þess að grípa til hvaða aðgerða sem teljast nauðsynlegar til að bregðast við brotum gegn skilmálum þessum, þ.m.t. tafarlausrar lokunar á aðgangi notanda.
Quickstart áskilur sér rétt til þess að loka einhliða aðgangi notanda (eftir atvikum að eyða aðgangi) að vefsvæði Quickstart hvenær sem er, og án fyrirvara. Þegar Quickstart metur að grípa þurfi til slíkra aðgerða verður notanda gert viðvart um þá ákvörðun og send tilkynning þess efnis á netfangið sem notandi gaf upp við skráningu. Sem dæmi um slík tilfelli er t.d. ef notandi verður uppvís að misnotkun á kerfi Quickstart, ef notandi hefur brotið í bága við eitthvert ákvæði þessa skilmála, eða ef notandi hefur hegðað sér á þann hátt að augljóst er að notandi ætli ekki eða geti ekki uppfyllt ákvæði þessa skilmála. Ef grunur vaknar að um lögbrot sé að ræða þá áskilur Quickstart sér rétti til tilkynna slíkt til yfirvalda.
Quickstart sendir út reikninga til viðskiptavina sinna sbr. 8. gr. skilmála þessa. Krafan fellur á eindaga sjö dögum eftir útgáfu hennar og sé krafan ekki greidd innan 15 daga eftir eindaga er aðgangi notanda lokað þar til greiðsla berst.
Quickstart áskilur sér rétt til að að breyta þessum viðskiptaskilmálum og bæta við þá hvenær sem er og taka slíkar breytingar gildi án fyrirvara. Ef um er að ræða breytingar sem eru ekki til hagsbóta fyrir notendur þjónustunnar skal tilkynna notendum um þær með tryggum hætti með minnst sjö daga fyrirvara fyrir gildistöku breytinganna.
Um skilmála þessa gilda íslensk lög. Ef eitthvert ákvæði skilmála þessara verður dæmt ógilt, ólöglegt eða óhæft til fullnustu, dregur það ekki á neinn hátt úr gildi, lögmæti eða fullnustuhæfi annarra ákvæða skilmálanna. Notendur samþykkja að jafnvel þó svo að Quickstart nýti sér ekki einhver þau réttindi sín sem hljótast af þessum skilmálum að þá skuli ekki túlka það sem afsal þess réttar. Rísi mál út af skilmálum þessum skal það rekið fyrir Héraðsdómi Reykjavíkur.